Yeni ilə bir neçə gün qalmışdı. Oğlum nəvələrimə bir neçə maska alıb gətirmişdi. Hərə bir maska alıb üzünə keçirdi. Bircə taxılmamış tülkü maskası qaldı. Nəvələrimdən birini çağırdım:
-Gültac, bura gəl, tülkü maskasını ver babaya.
O isə maskanı alıb o biri otağa qaçdı və geri əliboş qayıtdı.
-Maskanı neylədin? Gətir ver.
-Gizlətdim.
-Niyə?
-İstəmirəm ki, tülkü olasan. Cizgi filmində, o, toyuqları torbaya salıb oğurlamışdı.
Nəvəmin bu cavabından sonra tülkü maskasını taxmaqdan vaz keçdim.
Şəxsi bloqa xoş gəlmisiniz! 